Hippo Olimpiadası nədir?
Hippo Olimpiadası hər il dörd mərhələdə keçirilən Beynəlxalq İngilis dili yarışmasıdır və əsas məqsədi 6-19 yaşlı məktəblilər arasında İngilis dilində ünsiyyət qurmaq və sağlam rəqabət şəklində İngilis dili bilik və bacarıqlarını nümayiş etdirməkdir. Gənc məktəblilər müsabiqəyə qatılaraq gələcəyin elm və işgüzar dünyasının açarı hesab olunan bu dili daha da dərindən mənimsəyir və qlobal səviyyədə dünyəvi kimliklərini formalaşdırırlar. Olimpiadada iştirak üçün yaş limiti 19-dur və iştirakçılar yalnız məktəb şagirdləri olmalıdırlar.
Hippo Olimpiadasında kimlər iştirak edə bilər?
Hippo 2022 Olimpiadası yaşı 6-19 aralığında olan bütün məktəblilər üçün uyğundur. Dünyanın bir çox ölkələrində məktəb təhsilin bir qədər uzun illəri əhatə etməsi ilə bağlı yaş aralığı 6-19 yaşlılar üçün təyin olunmuşdur, lakin Azərbaycan Respublikasında tədris ili 11 və ya 12 il olduğu üçün bu yaş aralığı 6-17 yaş aralığı kimi qəbul olunur. Buna baxmayaraq əgər hər hansı bir şagird müəyyən səbəblərdən 18 və ya 19 yaşındadırsa və hələ də məktəbdə oxuyursa həmin şagirdlər də Hippo 2022 Olimpiadasında iştirak edə bilərlər.
Hippo Olimpiadasın hansı kateqoriya və mərhələlərdən ibarətdir?
Hippo Olimpiadasında tələbələr ümumi 9 kateqoriya (6 normal və 3 xüsusi) üzrə yarışacaqlar:
6 Normal Kateqoriyalar
| Kateqoriyalar | Yaş Qrupları |
| LITTLE HIPPO (“BALACA HIPPO”) | 2012-ci ildə doğulanlar və ya daha gənc |
| HIPPO 1 | 2010-cu ildə doğulanlar və ya daha gənc |
| HIPPO 2 | 2009-cu ildə doğulanlar və ya daha gənc |
| HIPPO 3 | 2007-ci ildə doğulanlar və ya daha gənc |
| HIPPO 4 | 2005-ci ildə doğulanlar və ya daha gənc |
| HIPPO 5 | 2003-cü ildə doğulanlar və ya daha gənc |
QEYD: Hippo 2021-ci il Olimpiadasının final mərhələsinə keçmiş şagirdlər Hippo 2022-ci il Olimpiadasında eyni kateqoriyada iştirak edə bilməzlər.
Yuxarıdakı cədvəldə göstərilən kateqoriya və yaşlardan daha gənc şagirdlər əgər özlərindən əmin hiss edirlərsə Olimpiadada iştirak edə bilərlər. Olimpiadada iştirak üçün yaş limiti 19-dur və bu şərt də var ki, iştirakçı həm də məktəb şagirdi olmalıdır.
İkidilli şagirdlər Olimpiadada yuxarıda göstərilən kateqoriyalarda iştirak edə bilməzlər. İkidilli şagirdlər o şagirdlərə deyilir ki, ən azı 3 il İngilis dilli ölkədə və ya məktəbdə təhsil almış və ya həmin ölkədə doğulub yaşamış olsun. Buna baxmayaraq, ikidilli şagirdlər Hippo Olimpiadasının 3 xüsusi kateqoriyasına qatıla bilərlər.
3 Xüsusi Kateqoriyalar
| Kateqoriyalar | Yaş Qrupları |
| HIPPO S10 | 2010-cu ildə doğulanlar və ya daha gənc |
| HIPPO S15 | 2007-ci ildə doğulanlar və ya daha gənc |
| HIPPO S19 | 2003-cü ildə doğulanlar və ya daha gənc |
Hippo 2022 İngilis dili Olimpiadası 4 mərhələdən ibarətdir:
İlkin Mərhələ (və ya “Preliminary Round”): 12 Mart 2022 - Bakı, Azərbaycan
Yarım Final Mərhələsi (və ya “Semi-Final Round”): 8 Aprel 2022 - Bakı, Azərbaycan
Regional Mərhələ (və ya “Regional Qualifiers”): 30 İyun 2020-ci il tarixinə kimi təşkil olunmalı [Məkan: Qeydiyyatdan keçdikdən 15 gün ərzində iştirakçılar müsabiqənin keçiriləcəyi yer haqda məlumatlandırılacaqlar]
Final Mərhələsi (və ya “Final Round”): 29-30 Sentyabr 2022 - Roma, Italiya
Hippo Olimpiadasını Azərbaycanda kim təşkil edir?
Hippo 2022 Olimpiadasının rəsmi təşkilati nümayəndəsi Umbrella Learning Academy, Məhdud Məsuliyyətli Cəmiyyətidir. Umbrella Learning Academy innovativ tədris mərkəzi İngilis dili və beynəlxalq imtahanlar üçün təlim-təhsil xidmətini göstərir. 2022-cil Hippo Olimpiadasının səlahiyyətli nümayəndəsi olaraq Umbrella Learning Academy bu Olimpiadada iştirak etmək istəyən hər bir şagird üçün 10%-lik kupon hədiyyəsi də bəxş edir. Mərkəzə yaxınlaşaraq Hippo 2022 biletini alan hər bir şagird avtomatik olaraq Umbrella Learning Academy tədris mərkəzinin təklif etdiyi və özlərinə uyğun bütün xidmətlərindən (bir bilet bir kupondur və bir kupon da hər hansı xidmət üçün bir dəfə endirim hesab olunur) 10% endirimlə yararlana bilərlər. Bu o deməkdir ki, hər bir bilet bir şans kimi şagirdlərin köməyinə gələcək. Kuponun yararlılıq müddəti Hippo 2022 Olimpiadasının bitmə tarixinə kimidir (30 Sentyabr 2022).
Hippo 2022 Olimpiadasında Niyə İştirak Etməli və Üstünlükləri:
Olimpiada bütün ölkələrin məktəbli şagirdləri iştirak edə bilərlər.
Yarışmada 50 - yə yaxın ölkədən olan iştirakçılar təmsil olunur.
İştirakçıların hər biri iştirak sertifikatı ilə təltif olunur.
Məktəblər və kordinatorlar təşəkkürnamə sertifikatı ilə təltif olunur.
Final mərhələsi İtaliyanın Roma şəhərində keçirilir.
Bütün finalistlər və onları müşayət edən müəllimlər üçgünlük mehmanxana və qidalanma ilə təmin edilirlər.
Bütün finalistlər rəsmi “Gatehouse Awards IESOL” - Başqa Dil Daşıyıcılar üçün Beynəlxalq İngili dili - sertifikatını əldə edirlər.
Hər bir kateqoriyanın qalibi isə Mizzou K-12 onlayn kursuna iştirak haqqı qazanacaq
Tələbələrin və onların yanında gedən müəllimlərinin viza xərcləri ödənilir və bununla əlaqəli dəstək verilir.
Hippo Olimpiadasında İştirak Məbləği və Qeydiyyat:
Hippo 2022 Olimpiadasında 1 şagirdin birdəfəlik bütün mərhələlər boyu iştirak qiyməti 20 AZN-dir. Bu o deməkdir ki, ödənişi Olimpiyadanın bütün mərhələləri üçün bir dəfə yerinə yetirirsiniz və şagirdlər növbəti bütün mərhələlərdə iştirak hüququ qazanırlar.
Final mərhələsi İtaliyanın Roma şəhərində 29-30 Sentyabr 2022-ci il tarixlərində keçiriləcəkdir. Olipiadanın bu son mərhələsində iştirak edən tələbələrin yanında hər hansı bir İngilis dili müəllimləri və ya İngilis dilli bir müəllim müşayiətçi ola bilər.
Tələbələrin və onların yanında gedən müəllimlərinin viza xərcləri və bununla əlaqəli dəstək Hippo 2022 Azərbaycan nümayəndəliyi olan Umbrella Learning Academy İnnovativ İngilis dili tədris mərkəzi tərəfindən qarşılanacaq. Şagirdlər və onların müəllimləri isə təyyarə xərclərini və ya səfərlə bağlı ortaya çıxan hər hansısa xərcləri qarşılamağı öz öhdəliklərinə götürürlər.
Tələbələrin və onların müəllimlərinin İtaliyadakı üç günlük qalacaqları məkan (mehmanxana) və qida (hər gün 2 dəfə olmaq şərtilə) xərcləri isə Global Hippo Assosiasiyası tərəfindən qarşılanacaq.
Bundan əlavə şagirdlərlə İtaliyaya səfər etmək istəyən valideynlər və ya qəyyumlar viza xərclərindən tutmuş İtaliyada qalacaqları məkanın xərcinə kimi bütün maliyyə öhdəliklərini və təlabatlarını özləri yerinə yetirməlidirlər.
Qeydiyyatdan keçmək üçün 2 mərhələni tamamlamaq lazımdır:
Onlayn şəkildə aşağıdakı linkdən qeydiyyatdan keçirsiniz:
https://www.umbrella.az/hippo/
Yuxarıda göstərilən link tamamladıqdan sonra Hippo 2022 Azərbaycanın rəsmi nümayəndəliyi olan Umbrella Learning Academy İnnovativ İngilis dili mərkəzinə yaxınlaşaraq qeydiyyatın ikinci hissəsini tamamlamalı və olimpiada üçün biletinizi fiziki şəkildə əldə etməlisiniz. Umbrella Learning Academy tədris mərkəzi Yasamal rayonu, Zivərbəy Əhmədbəyov 2K ünvanında yerləşir. Aşağıdakı video çarxdan Nizami metrosundan çıxaraq mərkəzə ən qısa hansı yolla necə gəlməli olduğunu aydın şəkildə görə bilərsiniz:
https://www.youtube.com/watch?v=CA5DyvqwM6Q
Hippo 2022 Olimpiyadası ilə bağlı hər hansı sualınız yaransa aşağıdakı əlaqə vasitələri ilə bizə bütün suallarınızı və müraciətlərinizi ünvanlaya bilərsiniz:
994 55 581 34 32
994 12 310 15 10
azerbaijan@hippo-olympiad.org
info@umbrella.az
Ünvan Yasamal rayonu, Zivərbəy Əhmədbəyov 2K, AZ 1009, Bakı, Azərbaycan